Ewì

Bá Ò kú | Rodiyah Ọmọ́tọ́yọ̀sí Mikail

Ṣóo wo iwájú tóò r’ẹ́nìkan 

O w’ẹ̀yìn wò, óò r’éèyàn

L’ọ́tùn-ún l’ósì, ilẹ̀ tẹ́ lọ bẹẹrẹ

Àṣẹ̀yìnwá àṣẹ̀yìnbọ̀, o ní ikú ló kàn

Ọjọ́ a bí ọ sáyé, ta lo bá wá?

Wá ná, ọ̀rẹ́ẹ wa

Bóó kú, tìwọ taani?

Tẹ́tí o gbọ́ nàsíà mi ọ̀rẹ́ẹ wa

Ọba adániwáyé ò gbàgbé ẹnì kọ́ọ̀kan

Àláùràbí ò sì da ẹnìkan nù

Báa ti wáyé páà rí, làá rí

Ǹjẹ́ ohunkóhun tẹ́da bá wá ń dojú kọ

Ìdánwò ni, àdánwò sì ni

Mo ṣe bí Elédùà ló dá kálukú

Ó mọ wá, ó mọ̀ wá

Ó mọ ohun táa tó

Bẹ́ẹ̀ ló mọ ohun táà tó

Àdánwò tó bá wá wù kó mú bá kálukú

Ṣebí ó mọ ohun tóo tó

Ó mọ̀ p’óo tóo gbé ni

Ṣebí aré lásán ni gbogbo wa ń sá

A ti gbọ́wọ́ sókè, tátàdá ti gbẹ, àkọsílẹ ti dúró

Bá ò sì kú, ìṣe ò tán

Omidan Rodiyah Ọmọ́tọ́yọ̀sí Mikail jẹ́ akẹ́kọ̀ọ́ onípele kẹta ní Fásitì Usmanu Danfodiyo University, Sokoto. 

Àwòrán ojú ìwé yìí jẹ́ ti

Related posts

Ojúlarí | Rasaq Malik Gbọ́láhàn

atelewo

Sùúrù (Orin Démíanù ọmọ Málì àti Ọba Náàsì) | Ọ̀rẹ́dọlá Ibrahim

atelewo

Akéwì Àti Ewì Míràn | Ṣégun Ṣóẹ̀tán

atelewo

Leave a Comment