Ewì Ìtọ́wò Ìwé Àtẹ́lẹwọ́

Ojúlarí | Rasaq Malik Gbọ́láhàn


Moti rinlẹ̀ ọjọ́ ti jìnà
Moti ríbi rìkísí òhun ọ̀tẹ̀
gbé ń jọ́ s’òrẹ́

Moti dé'lé ayé ọjọ́ ti pẹ́,
Moti d'ókè eèpẹ̀ ọ̀nà ti jì,
Ṣebí ojúlarí ọ̀rẹ́ ò dénú.

Ṣààsà ènìyàn ní fẹ́'ní lẹ́yìn
táà bá sí ní'lé
Ṣebí t'ẹrú t'ọmọ ní fẹ́ni lójú ẹni,
Ojúlarí ọmọ ẹ̀dá ò kú fẹ́ni,
Kò kúkú sẹ́ni tó dùn mọ́
àf'orí ẹni.

Moti dé'lé ayé ọjọ́ ti pẹ́,
Moti rinlẹ̀ ọjọ́ ti jìnà
Moti ríbi rìkísí òhun ọ̀tẹ̀
gbé ń jọ́ s'òrẹ́
Moti ri ibi òtítọ́ ti di pánda
Ayé ń lọ à ń tọ̀ ọ́
Ayé asán tí gbogbo wa ń lé kiri
Ayé hílà-hílo.

Aye ti kò f'ẹ́ni tí à ń fẹ́.
Ṣebí ilé ayé kanńà
ni ọ̀rẹ́ ti ṣekú pa ọ̀rẹ́ rẹ̀
Ilé ayé pákáleke
Ilé ayé tí baba ti p'ọmọ lẹ́kún j'ayé,
Mofẹ́ d'ogún mofẹ́ d'ọgbọ̀n
Kò kúkú séni t'ódùnmọ́
áforíẹni.

Rasaq Malik Gbọ́láhàn jẹ́ akẹ́kọ̀ gboyè nínú èdè Gẹ̀ẹ́sì ní ilé ìwé gíga fásitì ilú Ìbàdàn. Ó jẹ́ ẹni tí ó fẹ́ràn àṣà àti ìṣe, àti pé ó ní ìgbàgbọ́ pé èdè abínibí ni ọ̀nà tí a lè fi gbé ìlú lárugẹ. Ó tún jẹ́ ẹni tí ó máá ń kéwì, ó sì tún fẹ́ràn láti ma ka ìwé Yorùbá. Ó ń ṣiṣẹ́ lórí ìtàn àròkọ rẹ̀ lọ́wọ́.

Ìtọ́ka

  1. Ọ̀rọ̀ Olóòtú: Ìtọ́wò Àkójọpọ̀ Àtẹ́lẹwọ́
  2. Ìlànà fún Ìgbàwọlé: Àtẹ̀jáde Àtẹ́lẹwọ́ Apá kejì
  3. Ẹ̀rọ Ìránsọ | Kọ́lápọ̀ Ọlájùmọ̀kẹ́
  4. Ojúlarí | Rasaq Malik Gbọ́láhàn
  5. Nítàn kí o tó tán | Malik Adéníyì
  6. Lẹ́tà: Ọ̀rọ̀ Kẹ̀kẹ́ | ‘Gbénga Adéọba

Related posts

Ẹ̀rọ Ìránsọ | Kọ́lápọ̀ Ọlájùmọ̀kẹ́

atelewo

Ọ̀rọ̀ Olóòtú: Ìtọ́wò Àkójọpọ̀ Àtẹ́lẹwọ́

atelewo

Lẹ́tà Méjì |Mof’Ólúwawò O MojọláOlúwa

atelewo

Leave a Comment